New head of house BBNaija 2021: Liquorose choose Saga as deputy head of house

New head of house BBNaija 2021: Liquorose choose Saga as deputy head of house

Big Brother Reality TV show housemate Liquorose don become di ne head of house.

 

Liquorose wey her real name Roseline Omokhoa win di special position afta she defeat oda contestants wey bin also do di Head of House challenge.

 

Afta every body play, na she get di highest point as she score 21.

 

Di 26-year old choreographer na di fifth housemate to sit for di position afta Peace, Boma, Pere and di outgoing Maria.

 

Biggie reward her wit movie night as e ask her to pick four housemates wey go enjoy one night of cinema.

 

Liquorose come pick Emmanuel, Maria, Whitemoney and Tega as di four housemates wey go jollof wit her for di movie night.

 

See di BBNaija housemate wey Biggie give strike

Check out di six BBNaija housemate wey dey up for eviction dis week

As Head of House, Liquorose go dey immune from eviction and but no go also get access to di HoH bedroom togeda wit her deputy.

 

Dis na because she dey face punishment from Biggie afta camera catch her dey lounge for di HoH room for Week three.

 

No be only her dey serve di two weeks punishment as Maria and Peace also dey part of those wey no go stay for di room if to say dem win am or somebody nominate dem as deputy.

 

Di game to determine dis week Head of House bin involve di usual game of dice just like as e dey for previous week.

 

Maria

WIA DIS FOTO COME FROM,BBNAIJA

Wetin we call dis foto,

As outgoing head of house Maria bin no take part for di game

 

Those wey no dey qualify to participate for dis week challenge na di outgoing HoH, Maria.

 

Afta di HoH games Biggie address issues of bullying, goading and quarrels as e warn: Pere, Whitemoney, Maria, Queen, Jackie B and Tega.

 

Biggie tell dem to find oda means to settle dia differences.

 

Meanwhile before dem start di game Biggie hail di outgoing head of house sake of how she execute im secret task last week wey im give her to do.

 

E promise to reward her wit Abeg Naira.

 

Deputy head of house BBNaija

Saga

WIA DIS FOTO COME FROM,BIGBRONAIJA

Just before di live nomination show, Liquorose select Saga as her deputy.

 

Because she no fit stay inside di HoH room due to Biggie punishment, Saga come choose Nini as di housemate wey go stay wit am for di room.

About Naijamp3baze 7222 Articles
Adewusi Blessing Gbenga, his the Co-founder of Naijamp3baze A web devloper and also a Music Producer/Video editor. he was born in December 22nd/1999. he's a student of osun state polytechnic Esaoke.

Be the first to comment

Leave a Reply